ITSAS BARNETEGIA. Anderren bloga.

Marmoka baten galderak.

Gaur goizean ikusi zaituztet. Han, zeuen belaontzian, hain ondo ezagutzen dudan itsaso honetako uretatik.
Nortzuk zarete zuek? Zer egiten ari zarete hemen? Zertara etorri zarete?
Zergatik hitz egiten duzue hain arraro? Edo…, zergatik hitz egiten duzue? Ez al duzue akaso nahiko itsasoak eskaintzen dizuen isiltasunarekin?
Zer da ba “zorabio” sentsazio hori?
Begiratzen zaituztet, eta ez zaituztet ulertzen, benetan. Zergatik ez duzue nirekin jolastu nahi? Zergatik jartzen zarete hain urduri nire presentziaz? Esaidazue!!!
Ez naiz ala zeuen gustokoa?
Ez duzue pentsatuko nik pentsatzen ez dudanik… bihotzik ere ez daukadanik…?
Jakin ezazue nire azalezko hamaika begiekin uneoro ikusten zaituztedala…
Eta zergatik zeuen etengabeko amodio bilaketa hori? Hainbeste puro erretzea beharrezkoa al da?
Zergatik haserreak? Edo, zergatik hainbeste zorionez betetako mementu?
Ez zaituztet ulertzen. Baina erantzun, erantzun, erantzun, erantzun iezadazue…

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude